Sabhi nagme saaz mein gaye nahi jaate,
Sabhi log mehfil mein bulaaye nahi jaate,
Kuch paas rah kar bhi yaad nahi aate,
Kuch door rah kar bhi bhulaye nahi jaate !!
Yaadein hoti hain satane ke liye,
Koi roothta hai phir maan jane ke liye,
Rishte banana koi mushkil to nahi,
Jaan bhi chali hai nibhane ke liye !!
Sabhi ko sab kuch nahin milta,
Nadi ki har lehar ko sahil nahin milta,
Yeh dil walon ki dunia hai dost,
Kisi se dil nahin milta to koi dil se nahin milta !!
Soch ko badlo, sitare badal jayenge,
Nazar ko badlo, nazare badal jayenge,
Kashtiyan badalne ki zarurat nahi,
Dishaon ko badlo, kinare badal jayenge !!
Manzil unhi ko milti hai,
Jinke sapno mein jaan hoti hai,
Pankh se kuchh nahi hota,
Hauslon se udan hoti hai !!
Lehron ko shaant dekh kar yeh mat samjhna
Ki samandar mein ravani nahi hai,
Jab bi uthenge toofan ban kar uthenge,
Abhi uthne ki thani nahi hai !!
Aankhon mein khushi,
labon par hansi, Gham ka koi naam na ho,
Aapko jahan ki saari khushiyan mile,
in khushiyon ki kabhi sham na ho !!
Taqdeer ke khel se kabhi mayoos nahi hote,
Zindagi mein aise kabhi udaas nahi hote,
Hathon ki lakeeron par vishwas mat karna,
Taqdeer to unki bhi hoti hai jinke hath nahi hote !!
Ab ho gaya hai aadmi,
Bikta hai jahaan pyaar bhi saamaan ki tarah,
Pehchaan bhi hai mushkil mukhauton ke daur mein
Dikhta hai bhediya bhi insaan ki tarah !!
Choo le aasmaan zameen ki talaash na kar,
Jee le zindagi khushi ki talaash na kar,
Takdeer badal jaayegi khud hi mere dost,
Muskurana seekh le wajah ki talaash na kar !!
Zindagi Leher Thi Aap Sahil Hue,
Na Jane Kese Ham Apke Kabil Hue,
Na Bhula Payge Ham Us Hasi Pal Ko,
Jab Aap Hamari Zindagi Me Shamil Hue !!
Suraj Wo Jo Din Bhar Asman Ka Sath De,
Chand Wo Jo Raat Bhar Taron Ka Sath De,
Pyaar Wo Jo Zindagi Bhar Sath De,
Aur Dost Wo Jo Pal Pal Mai Sath De !!
Ye arzoo nahi ki kisi ko bhulayein hum,
Na tammana hai kisi ko rulayein hum,
Par dua hai us rab se ek hi,
Jisko jitana yaad karte hain usko utana yaad aayein hum !!
Khwahish aisi karo ki aasman tak ja sako,
Dua aisi karo ki khuda ko pa sako,
Yun to jeene ke liye pal bahut kam hain,
Jiyo aise ki har pal mein zindagi pa sako !!
Zindagi haseen hai zindagi se pyar karo,
Ho raat to subah ka intzar karo,
Wo pal bhi aayega jis pal ka intzar hai apko,
Bas rab pe bharosa aur waqt pe aitbar karo !!
More Hindi Romantic Shayari like “Kuch door rah kar bhi bhulaye nahi jaate” Heart Touching Shayari Life Shayari, Love Mohabbat Shayari @shayarino1.com
Ek Tum Hi Par Mar Mite Hain – Romantic Shayari
Mubaraq Ho JanamDin – Happy Birthday Shayari
Ek Benaam Si Mohabbat Mere Naam Kar Do – Romantic Shayari
Aaj hum ko nazar aati hai har baat wahi – Love Mohabbat Shayari – shayarino1.com
Tere khamosh honthon par mohabbat gungunati hai – Love Mohabbat Shayari
Mere Iss Dil Mein Aye Sanam Tere Khwab Sajaoonga – Romantic Shayari